Laat uns snacken

Ji wüllt eenfach mal wedder mit en Minschen Platt snacken oder jichtenswat vertellen und loswarrn, man ji hebbt nüms? Denn köönt ji mi an’n tokamen Sünndag vunaf morrns Klock negen ünner 08000 903 903 anropen. Eenfach bi NDR 90,3 kort op Band snacken un ik roop jo so gau as man geiht torüch, dat wi mal richtig een an’t Telefon utsnackt. Blifft ok allens ünner uns. Dor geiht nix vun över’n Senner. Ok later nich. Und wenn’t Platt noch nich ganz so dull is – also to Noot verstah ik ja ok jümmer noch Hoochdüütsch.
Also, hebbt ji Lust? Denn laat uns snacken! –